Pro Ísrael Halelúja

Ég hugsa til þess að ekki fyrir löngu var ég Pro Ísrael maður. Ég virkilega sá ekki það ranga í gjörðum þeirra og taldi þá vera að vernda sig gagnvart hryðjuverkamönnum, en ég hef séð núna og viðurkenni hvað ég hafði innilega rangt fyrir mér. Þessi hegðun Ísraelsmanna er svo óviðunandi og sorgleg og sýnir illsku stjórnvalda þar og hvað þeir blekkja sína eigin þegna og marga í heiminum. Þeir eru einfaldlega að slátra fólki, saklausu fólki til þess að reyna að ná hinum svokölluðu hryðjuverkamönnum. Ég er ekki einu sinni viss um það sé markmiðið, ég er farinn að halda að markmiðið sé til þess að fullkomna spádóm fornbókar. Eitt er samt víst  og það er að Ísraelsmenn eru komnir til að vera og munu ekki fara frá Palestínu og það sorglega virðist vera að Palestínumenn virðast þurfa að fara frá Gazasvæðinu svo þeim verði ekki endanlega slátrað, það virðist vera eina lausnin í málinu. Guð blessi alla á Gazasvæðinu og vonum að þessu ljúki á morgun eða hinn eða hinn, hvaða dagur sem það verður , þá verður allaveganna frábær dagur.

Olmert hafnaði vopnahléi

Athugasemdir

[Stefán (IP-tala skráð) 6.1.2009 kl. 02:10]

Það eru reyndar margir Ísraelsmenn mjög mótfallnir aðgerðum stjórnvalda og meðal annars hafa hermenn neitað að berjast á vesturbakkanum og Gaza-svæðinu.

Þetta er hvort eð er ekki lengur í höndum Ísraela.

[Sigurður Árnason, 6.1.2009 kl. 19:28]

Ég geri mér fulla grein fyrir því að þetta séu ekki allir  Ísraelsmenn, alveg eins og það eru ekki allir kanar sem styðja Íraksstríðið. Þetta er svo sannarlega  í höndum Ísraelsmanna enn.

[Steinunn Helga Sigurðardóttir, 17.1.2009 kl. 20:26]

þetta er hræðilegt blóðbað.

Það er alltaf gott að sjá hlutina frá öðru ljósi, það er það sem við vöxum og þroskumst !

Ljós til alls

Steina